में किन्ने ब’रें दा इक पल
घोटी रक्खे दा हा
अपनी मुट्ठी च
सोचे दा हा जिसलै तूं मिलगा
इसगी रक्खी ओड़ङ
तेरी तली उप्पर
ते
तूं सांभी लैगा इसगी इ’यां गै
जि’यां में घोटी रक्खे दा हा
तूं मिलेआ
में अपनी मुट्ठ तेरी बक्खी बधाई
जिसलै में रक्खेआ ओह् पल
तेरी तली उप्पर
तूं अपनी मुट्ठ बंद नेईं कीती
तली गी रौह्न दित्ता
खु’ल्ला गै
ओह् पल अत्थरूं आंह्गर
रु’लकदा-रु’लकदा
ख’ल्ल डिग्गने गी होआ
में झट्ट उस्सी पुड़छी लैता
मुट्ठ मुड़ियै बंद करी लेई
ते
बापस परतोई आया ।
छंदमुक्त लघु कविता च बड़ी जान ते रौब होंदा ए। और एह् गल्ल इस कविता राहीं और बी सच्ची लगदी ए।
बहुत खूब👍