मास्क लाइयै जाना-औना
चक्कर ला दा ई सारै करोना
इ’दी दोआई ऐ इक्कले-इक्कले
फ्ही गै मरना एह् करोना
मास्क लाइयै जाना-औना
दुनिया एह्दे लपेटै आई ऐ
दिक्खी चलना आप बचाइयै
जान बचानी ,हत्थ निं औना
चक्कर ला दा ई एह् करोना
मास्क लाइयै जाना-औना
थोह्ड़ा छिंडै रौह्ना, जरेओ
एह्दे कन्नै स्कीमा लड़ेओ
मूंढे जोड़ी नेईं खड़ोना
चक्कर ला दा ई एह् करोना
मास्क लाइयै जाना-औना
जनम एह्दा उस कंटरी होआ
प्यो एह्दा ऐ चाइना मोआ
अग्गी-धुऐं एह् फकोना
मास्क लाइयै जाना-औना
चक्कर ला दा ई सारै करोना
नेईं कुसै गी मुशकल आवै
भुक्खा इत्थै नेईं कोई रौ’वै
तुं’दे स्हारै इ’नें मठोना
मास्क लाइयै जाना-औना
चक्कर ला दा ई सारै करोना
घरैं बेहियै लड़ाई निं करनी
इक दुए दी किश दिन जरनी
रमान करियै अंदर बौह्ना
चक्कर ला दा ई सारै करोना
मास्क लाइयै जाना-औना
सभनें गी एह् सबक सुनाना
गीता, बाइबल, कुराण पढ़ाना
जींदे मौका शायद फ्ही औना
चक्कर ला दा ई सारै करोना
मास्क लाइयै जाना-औना
भाईचारे गी कायम रखचै
रूहें सारें अमन भरचै
हिरखै आह्ली लाइनैं खड़ोना
चक्कर ला दा ई सारै करोना
मास्क लाइयै जाना-औना
डाक्टर दा बी गैहरा रिश्ता
इनसानियत लेई ऐ इक फरिशता
लाज करोआना, छप्पी निं बौह्ना
चक्कर ला दा ई सारै करोना
मास्क लाइयै जाना-औना
नर्स बी म्हेशा सेवा करदी
शफाखान्नै एह् लाइयै वर्दी
एह्दे नसीबैं कदें निं सौना
चक्कर ला दा ई सारै करोना
मास्क लाइयै जाना-औना
सफाई आह्ले बी पंप भरा दे
ग’लियैं-म्हल्लैं स्प्रेऽ करा दे
इं’दे गलें च हार परोना
चक्कर ला दा ई सारै करोना
मास्क लाइयै जाना-औना
पुलस बी सुद्धी दौड़ा करदी
किट्ठे निं होना मोड़ा करदी
इं’दे नसीबैं कु’त्थै बसोना
चक्कर ला दा ई सारै करोना
मास्क लाइयै जाना-औना
खोह्ल्लो अक्खियां भलेओ लोको
वायरस घर-घर औना रोको
सैनेटाइज़र कन्नै गै मरोना
चक्कर ला दा ई सारै करोना
मास्क लाइयै जाना-औना
कादिर कुंडरिया, नेईं पछतायां
कीमती जान ऐ, निं एह् गोआयां
एह्दा पर्हेज ऐ—घर गै बौह्ना
चक्कर ला दा ई सारै करोना
मास्क लाइयै जाना-औना ।
