नित्त रक्खनां में रीह्जां लाई
जीवन ग्रंथ होऐ सुखदाई
में इसदे ब’र्कें-ब’र्के पर
अक्खर-अक्खर जोत जगाई
रौशन-रौशन रौह्न सदा मन
उज्जल-उज्जल लोक-लुकाई
जीवन ग्रंथ होऐ सुखदाई
नित्त रक्खनां में रीह्जां लाई
एह् खु’ल्लै तां अंबर खु’ल्लै
एह् बोल्लै अमरत रस डु’ल्लै
दि’ब्ब संगीत रूहें गी छूंह्दा
सुर गूंजन, मन देन सुआई
जीवन ग्रंथ होऐ सुखदाई
नित्त रक्खनां में रीह्जां लाई
जगमग सूरज चढ़ै भ्यागै
गलै मिलन, फ्ही उत्सव जागै
रौह्न परैं सारे जग-बंधन
मतें-मतांतर भेद भुलाई
जीवन ग्रंथ होऐ सुखदाई
नित्त रक्खनां में रीह्जां लाई
जीवन ग्रंथ होऐ सुखदाई ।
