राजकुमारी बेही डोली
घर सौह्रै चली
अजें पजेकी रस्ते च ही
बरखा दी झड़ी मोह्ले-धारें ही
डोली ठपदे तगर झम्मना गेआ सिज्जी
रानी बनी राजकुमारी गेई भिज्जी
रानी दे कुंडले बालें चा इक फुंग ढली
मोतियें दे हारै शा लंघी
रेशमी तिल्लेदार कपड़ें च गेई रची
गले दे हारै दे मोतियें दे कालजै किश खुब्भेआ
इक ममूली फुंगा दा
इ’यां लंघना बड़ा चुब्भेआ
इक मोतियै ने पुच्छी लेआ—
तुगी पता ऐ—
कु’न आं अस?
जवाब छुट्टा बी हा
ते ओपरा बी
हां, पता ऐ—
मेरे आंह्गर इक फुंग, बस्स ।
