लिछकदा टोका सुना हां दोस्ता।
राग कोई औखा सुना हां दोस्ता।
मैं मिरी दी मैं गुआची जा कुतै
हादसा ओहका सुना हां दोस्ता।
पक्कियें रफ़लें दा रौला बंद कर ,
फैर कोई फोका सुना हां दोस्ता।
मौकियां सुनदे पकाए कन्न में ,
गीत बे मौका सुना हां दोस्ता।
कोकड़ा लभदा गुआड़ी अक्खियें,
आदमी लोह्का सुना हां दोस्ता।
साल पिछले कैहर ढाया ब ‘रदियें
ऐतकी सोका सुना हां दोस्ता।
अज्ज नेईं तां फ्ही थुआड़ी गँड्डिया
कोकड़ा मौका सुना हां दोस्ता।
में ” बगान्ना ” छोड़ उसदे सामने
फड़केआ कोह्का सुना हां दोस्ता।
क्या बात ऐ ! बगान्ना जी
waaah